O 23 de febreiro celebrouse no centro o Día de Rosalía. Moitas foron as actividades propostas para homenaxear a esta senlleira e extraordinaria poeta no Liceo La Paz. Dende a lectura e escoita dos seus poemas, a realización das fichas aportadas pola SXPL, a escoita no recreo do disco de Amancio Prada » Rosas a Rosalía», a colocación de poemas da autora en cada porta das clases da ESO e do Bacharelato, a elaboración duns murais homenaxe nos taboleiros dos corredores da ESO e Bacharelato nos que os alumnos podían colocar poemas ou textos inspiradores relacionados coa autora e a súa obra. Evidentemente, en todas as clases de lingua galega falouse da autora, da súa obra en galego, da súa importancia no rexurdir da literatura en lingua galega e da súa condición feminina adiantada á visión que se tiña da muller na súa época.