Blog en Galego
O pasado 3 de febreiro o alumnado de 3º de ESO participou no reto «Hoxe falei galego e…» no que durante toda a xornada lectiva deben empregar este idioma en todos os ámbitos, coa colaboración do profesorado de todas as materias que se imparten ese día. Aproveitamos para agradecerlles a axuda prestada, xa que esta facilitou que o reto chegase a bo porto.
Adxuntamos algunha mostra de alumnos que quixeron compartir a súa experiencia»
Profesorado de 3º de ESO.
O día 5 de decembro ás 10:00 visitounos a escritora And
rea Maceiras, autora da novela Que me pare o corazón se te esquezo, obra que foi de lectura obrigatoria para o alumnado de 3º de ESO.
A escritora mantivo un encontro co alumnado sobre a arte de escribir e, en concreto, sobre as experiencias nas que se inspira para artellar as historias que vai contar.
A trama da novela lida xira en torno aos “retos” que afronta a mocidade nas redes sociais e os perigos que poden supoñer e como poden repercutir nas relación humanas.